Ózbekstanda halyqaralyq kartalardan valıýtalardy sheship alýǵa ruqsat berildi
TAShKENT. QazAqparat - Ózbekstanda 2018 jyldyń 1 sáýirinen bastap jeke tulǵalarǵa halyqaralyq tólem kartalarymen satyp alynǵan shetel valıýtalaryn qolma-qol sheship alýǵa quqyq berildi. Bul týraly «QazAqparat» HAA menshikti tilshisi Ózbekstan Ortalyq bankiniń baspasóz qyzmetine silteme jasap habarlaıdy.
«Halyqtyń qolma-qol shetel valıýtasyna suranysyn qamtamasyz etý maqsatynda búgingi kúni kommertsııalyq bankterdiń kassa bólimderi, valıýta aıyrbastaý pýnktteri jáne bankomattar arqyly qolma-qol aqshany alý sharttary jasaldy», - delingen habarlamada.
Qazirgi tańda Ózbekstan kommertsııalyq bankterinde halyqaralyq tólem kartalarynan qarjy alýǵa múmkindik beretin sáıkes termınaldar ornatylǵan. Respýblıkada osy jyldyń sońyna deıin 1000 bankomat ornatý josparlanýda.
Halyqaralyq tólem júıesiniń erejelerine sáıkes, bir banktiń kartasynan basqa bankterde qolma-qol aqsha shyǵaryp alǵanda, qosymsha komıssııa (shyǵarylǵan somanyń 1%) ustalady.
