Ózbekstanda halyqaralyq dárejedegi sportshylarǵa ómir boıy aqshalaı tólemaqy beriledi
ASTANA. QazAqparat - Ózbekstan prezıdenti 2018 jyldyń 1 qańtarynan bastap belgili halyqaralyq sport jarystarynan joǵary kórsetkishterge ıe bolyp kele jatqan Ózbekstan sportshylary ómir boıy aı saıyn aqshalaı tólemaqy beriletini jónindegi qujatqa qol qoıdy, dep habarlaıdy podrobno.uz .
Olardyń jattyqtyrýshylaryna da bir rettik aqshalaı syıaqy beriletin bolady. Buǵan qosa, Olımpıada jáne Paraalımpıada oıyndarynyń júldegerleri men jeńimpazdaryna beriletin ómir boıǵy aı saıynǵy tólemaqy men olardyń jattyqtyrýshylaryna tólenetin bir rettik syıaqyǵa jeke tulǵalardyń tabys salyǵy salynbaıdy.
Sonymen qatar, Olımpıada jáne Paraalımpıada oıyndarynyń jeńimpazdary men júldegerleri jylyna bir ret ózderine qolaıly ýaqytta eldegi shıpajaılyq-saýyqtyrý mekemeleriniń qyzmetin tegin paıdalanýǵa quqyly.
