Ózbekstanda halyq sany 33 mıllıonnan asty
ASTANA. QazAqparat - 2018 jyldyń 1 qazanyndaǵy jaǵdaı boıynsha Ózbekstan Respýblıkasynyń turaqty halyq sany 33 085 200 adamdy quraǵan. Osylaısha, jyl basynan beri bul kórsetkish 428,5 myń adamǵa nemese 1,3 %-ǵa artqan, dep habarlaıdy QazAqparat.
Bul derekti Ózbekstan Respýblıkasynyń statıstıka boıynsha memlekettik komıteti keltirdi.
Atap aıtqanda, qala halqynyń sany 16 728 200 adamdy quraǵan (50,6 %). Al, aýyl turǵyndarynyń sany 16 357 000 adam (49,4 %) bolǵan.
Qujatta kórsetilgendeı, halyq tyǵyz ornalasqan óńir - Samarqan oblysy - 3 777 800 adam (respýblıka halqynyń 11,4 %), odan keıin Ferǵana oblysy - 3 665 600 adam (11,1 %).
