Ózbekstanda halyq sany 100 jylda 8 esege ósken

TAShKENT. QazAqparat – Ózbekstannyń turaqty halyq sany 100 jylda 8 esege ósken, dep habarlaıdy QazAqparat menshikti tilshisi.

Ózbekstan Respýblıkasy Memlekettik statıstıka komıtetiniń málimetinshe, 1920 jyly memleket aýmaǵynda 4,4 mln adam turǵan. Keńes bıligi kezinde halyq sany 4,5 esege ósip, 20,2 mln adam (1990 jyly) bolǵan.

Táýelsizdik jyldary halyq sany 15,8 mıllıon adamǵa ósken. 2022 jyldyń 8 jeltoqsanyndaǵy jaǵdaı boıynsha Ózbekstan Respýblıkasynyń turaqty halyq sany 36 mln adam boldy.

Buǵan deıin Ózbekstannyń Boljaý jáne makroekonomıkalyq zertteý ınstıtýtynyń boljamy boıynsha Ózbekstan halyq sany 2030 jyly 41 mln adamnan asýy múmkin.

Foto: foturist-ru.livejournal.com