Ózbekstanda halyq sany bir jylda 700 myń adamǵa ósti
ASTANA. KAZINFORM — 2026 jyldyń 1 qazanynda Ózbekstannyń turaqty halqynyń sany 39,54 mıllıonǵa jetti, dep habarlaıdy Kazinform.
Ótken jyldyń 1 qazanymen salystyrǵanda halyq sany 692 200 adamǵa (1,8%) ósti.
Ózbekstan ulttyq statıstıka komıtetiniń málimetteri boıynsha, 4,46 mıllıon turǵyny bar Samarqant oblysy eldiń eń halqy tyǵyz óńiri bolyp otyr. Ekinshi oryndaǵy Ferǵana oblysynda 4,29 mıllıon adam turady. 3,8 mıllıon adam turatyn Tashkent oblysy úlken úshtikti túıindegen.
Turǵyn sany eń az óńir 965 400 turǵyny bar Syrdarııa oblysy.
El astanasy Tashkentte 3,28 mıllıon adam turady.
Eske sala keteıik, bıyl birinshi jartyjyldyq qorytyndysy boıynsha Ózbekstan halqynyń sany 38,5 mln adamnan asqan bolatyn.
Byltyr Qazaqstanǵa Ózbekstannan 5 mln astam týrıst kelgen.
