Ózbekstanda «gonkong tumaýyn» juqtyrý jaǵdaılary anyqtaldy

Ózbekstanda H3N2 tumaý (gonkong tumaýy) shtammyn juqtyrý jaǵdaılary anyqtaldy, dep habarlaıdy Kazinform agenttiginiń menshikti tilshisi. 

Sanıtarlyq-epıdemıologııalyq salaýattylyq jáne qoǵamdyq densaýlyq komıtetinen málim etkendeı, tumaýdyń bul túri vedomstvoǵa qarasty aımaqtyq zerthanalarda júrgizilgen taldaý nátıjesinde anyqtalǵan. 

Komıtet basshysynyń birinshi orynbasary Nýrmat Atabekovtiń aıtýynsha, A (H3N2) tumaýynyń aldyn alý úshin 2,2 mln doza vaktsına qoldanylǵan. Ony epıdemııalyq maýsym bastalar aldynda muǵalimder, medıtsına qyzmetkerleri, tárbıeshiler men atalǵan indetke osal toptaǵy balalardyń bir bóligi alǵan. 

Sonymen qatar jyl basynan beri Ózbekstanda «shoshqa tumaýy» dep atalatyn H1N1 vırýsynyń 4 jaǵdaıy anyqtaldy. 

«Zerthanalyq taldaýlar arqyly monıtorıng júrgizip, indetti qadaǵalap otyrmyz. Biz H1N1 tumaýynyń 4 jaǵdaıyn anyqtadyq. Negizinen patsıentter bokavırýstyq ınfektsııa, rınovırýs, reevırýs nemese respıratorlyq-sıntsıtıaldy vırýs juqtyrdyq dep oılamaıdy. Biraq olardy zerthanalarda anyqtap, jaǵdaıdy qatań baqylap otyrmyz», - dedi Nýrmat Atabekov. 

Ol atap ótkendeı, keıingi aptada halyq arasynda jiti respıratorlyq vırýstyq ınfektsııalarmen (JRVI) syrqattanýshylyq ótken aptamen salystyrǵanda 25,5%-ǵa tómendegen.