Ózbekstanda gaz jarylyp, 6 adam mert boldy

ASTANA. KAZINFORM - Ózbekstannyń Samarqand qalasyndaǵy úsh qabatty turǵyn úıde jarylys bolyp, ǵımarat qulady. Oqıǵa ornynan alty adamnyń denesi tabyldy, dep habarlaıdy gazeta.uz.

9 mamyrǵa qaraǵan túni Samarqandtyń Spıtamen kóshesinde úsh qabatty turǵyn úıde gaz-aýa qospasy jarylyp, ǵımarattyń qıraýyna sebep bolǵan.

Samarqand oblystyq tótenshe jaǵdaılar basqarmasynyń habarlaýynsha, qutqarý-izdeý jumystarynyń barysynda alty adamnyń máıiti tabyldy.

Oqıǵa ornyna tótenshe jaǵdaılar basqarmasynyń basshylary, ishki ister basqrmasy men ózge de qurylymdardyń ókilderi jınaldy. 10-nan astam tehnıka jumyldyryldy. Tergeý júrip jatyr.

Osyǵan deıin Ózbekstandaǵy ken ornynda quramynda kúkirtsýtegi joǵary gaz atqylaǵany týraly jazdyq.