Ózbekstanda gaz quıý stantsııalarynyń jumysyna shekteý engiziledi
TAShKENT. KAZINFORM – Aýa raıynyń kúrt salqyndaýyna baılanysty búginnen bastap Ózbekstandaǵy gaz quıý stantsııalarynyń jumysyna shekteý engiziledi, dep habarlaıdy Kazinform agenttiginiń Tashkenttegi menshikti tilshisi.
Energetıka mınıstrliginiń málimetinshe, salqynǵa baılanysty magıstraldyq gaz qubyrlaryndaǵy qysym tómendedi. Bul ýaqytta gaz birinshi kezekte turǵyn úıler men áleýmettik nysandarǵa baǵyttalady. Sondyqtan 10 naýryzdan bastap stantsııalar saǵat 16:00-ge deıin jumys isteıdi.
Eske salaıyq, taıaýda Ózbekstanda gaz baǵasyn negizsiz kótergen kompanııalarǵa qatysty is qozǵaldy.
Sondaı-aq, byltyr Ózbekstan Qytaıǵa 773 mln dollardyń gazyn eksporttady.
Buǵan deıin habarlaǵanymyzdaı, bıyl Ózbekstanda suıytylǵan gaz qymbattady.
Belarýs Ózbekstandaǵy AES qurylysyna járdemdesýge daıyn.
