Ózbekstanda gaz, elektr energııasy jáne janarmaı óndirý kólemi qysqardy
TAShKENT. KAZINFORM — 2025 jyldyń aqpan aıynda Ózbekstandaǵy iri kásiporyndarda gaz óndirý kólemi 3,5 mıllıard tekshe metrge deıin tómendeıdi, dep habarlaıdy ÓR statıstıka agenttiginiń ónerkásiptik óndiris týraly esebinde.
Bul 2024 jyldyń aqpanynan (3,7 mıllıard tekshe metr) 5,6%-ǵa (208,8 mıllıon), 2023 jyldyń aqpanynan (3,85 mıllıard) 9%-ǵa, 2022 jyldyń aqpanynan (4,23 mıllıard) 17,2%-ǵa az.
Jyl basynan beri (qańtar-aqpan) óndiris kólemi 7,4 mıllıard tekshe metrdi qurady, bul ótken jyldyń eki aıymen salystyrǵanda 4,3%-ǵa nemese 328,6 mıllıon tekshe metrge derlik az. 2019 jyldyń sáıkes kezeńimen salystyrǵanda (10 mıllıard) 2,68 mıllıard tekshe metrge azaıǵan.
Gaz óndirýdiń quldyraýy birneshe jyldan beri jalǵasyp keledi. Esterińizge sala keteıik, Ózbekstandaǵy elektr energııasynyń 70-80 paıyzy gazdy jaǵý arqyly óndiriledi.
Elektr energııasy
Eki aıda elektr energııasyn óndirýdiń jalpy kólemi ótken jyldyń qańtar-aqpan aılarymen salystyrǵanda 3,4%-ǵa (497,2 mln kVt/saǵ) — 14,56 mlrd-tan 14,06 mlrd kVt/saǵ-qa deıin tómendedi.
Aqpan aıynda sáıkes aımen salystyrǵanda óndiris 2,5%-ǵa tómendep, 6,8 mlrd kVt/saǵ qurady.
Kóbisi gazben jumys isteıtin (sonymen qatar kómir jáne sý elektr stantsııalary sııaqty) iri energetıkalyq kásiporyndarda elektr energııasyn óndirý qańtar-aqpan aılarynda 11,1 mıllıard kVt/saǵ-qa deıin tómendedi, bul ótken jyldyń sáıkes kezeńimen salystyrǵanda 2,3 mıllıard kVt/saǵ (17,3%) az.
Shyǵyndar shaǵyn kásiporyndarda (kún jáne jel elektr stantsııalaryn qosa alǵanda) elektr energııasyn óndirýmen jabyldy — 2,9 mlrd kVt/saǵ, bul 2024 jylǵy qańtar-aqpanmen salystyrǵanda 2,7 esege artyq. Olardyń óndiristegi úlesi 20,7%-ǵa ósti.
Munaı
Aqpan aıynda munaı óndirýdiń aılyq kólemi 50,7 myń tonnaǵa deıin tómendedi (2024 jylǵy aqpanmen salystyrǵanda 12,6%-ǵa nemese 7300 tonnaǵa). Bul sońǵy birneshe jyldaǵy eń tómengi kórsetkish.
Eki aıda munaı óndirý 105,8 myń tonnaǵa deıin tómendedi (ótken jyldyń sáıkes kezeńimen salystyrǵanda mınýs 10,7% nemese 12,7 myń tonna).
Benzın
Aqpan aıynda 90,4 myń tonna avtokólik benzıni óndirildi, bul 2024 jylǵy aqpanmen salystyrǵanda (116,5 myń) 22,4%-ǵa nemese 26,1 myń tonnaǵa az.
Tómendeý eki aılyq salystyrýda da baıqalady — 189,4 myń tonna (-21,4%, 77,8 myń).
Dızel
Ótken aıda dızel óndirisi 41,3 myń tonnaǵa deıin kúrt tómendedi (ótken jyldyń aqpanymen salystyrǵanda -43,3%). 2024 jyldyń qańtar-aqpan aılarymen salystyrǵanda 39,5%-ǵa — 74,5 myń tonnaǵa azaıdy.
Eske sala keteıik, Ózbekstanda salynatyn AES-tiń quny 2 mlrd dollardan aspaıdy.