Ózbekstanda esirtki tasymaldaǵan qazaqstandyq ustaldy
TAShKENT. KAZINFORM — Ózbekstannyń Naýaı oblysynda esirtki tasymalymen aınalysqan Qazaqstan azamaty ustaldy, dep habarlaıdy Kazinform agenttiginiń Tashkenttegi menshikti tilshisi.
Memlekettik qaýipsizdik qyzmetiniń málimetinshe, Kenımeh aýdanynda keden organdarymen birlesken arnaıy operatsııa barysynda 24 jastaǵy er adam qolǵa tústi. Cobalt markaly kóligin tekserý kezinde odan eki túıinshek tabylyp, saraptama nátıjesinde onyń jalpy salmaǵy 2,87 keli apıyn ekeni anyqtaldy.
Aldyn ala málimet boıynsha, esirtki shekara arqyly zańsyz ótkizilgennen keıin aldyn ala daıyndalǵan jasyryn orynǵa qaldyrylǵan. Keıin kúdikti atalǵan zatty sol jerden alyp ketken.
Bul fakti boıynsha qylmystyq is qozǵalyp, er adam qamaýǵa alyndy. Qazirgi ýaqytta tergeý amaldary jalǵasyp jatyr.
Eske salaıyq, bıyl 6 aı ishinde Ózbekstanda 2,7 tonna esirtki tárkilendi.
https://kaz.inform.kz/news/zharti-zhilda-ozbekstanda-27-tonna-esrtk-tarklend-06b64921/
Eske salsaq, taıaýda Aýǵanstannan Ózbekstanǵa dronmen esirtki ótkizbek bolǵandardyń áreketi áshkerelendi.
Sonymen qatar bıyl eki aıda Ózbekstanda 8 esirtki zerthanasy anyqtaldy.
