Ózbekstanda endi tergeý kezinde kúdiktiniń elden shyǵýyna shekteý qoıylmaq
TAShKENT. KAZINFORM – Ózbekstanda qylmystyq iske qatysty júrip jatqan tergeý kezinde qamaýǵa alynbaǵan kúdiktilerdiń elden shyǵýyna shekteý qoıý usynyldy, dep habarlaıdy Kazinform agenttiginiń menshikti tilshisi.
Ózbekstan parlamentiniń tómengi palatasy qylmystyq is júrgizý protsessin jetildirýge baǵyttalǵan zań jobasyn birinshi oqylymda qabyldandy.
Depýtattar qylmys jasaǵan, biraq qamaýǵa alynbaǵan kúdiktiler tergeýden jaltarý maqsatynda jıi shekara asatynyn atap ótti. Saldarynan jábirlenýshiniń quqyǵyn qorǵaý jáne keltirilgen zalaldy óteý mehanızmi kúrdelene túsedi.
Sondyqtan mundaı sanattaǵy azamattardyń elden shyǵýyn shekteý usynylyp otyr. Talqylanyp jatqan zań jobasyna saı, qamaýǵa alynbaǵan kúdiktiniń shekara asý áreketine tergeýshi, prokýror nemese sot tyıym salýǵa haqyly.
Eske salaıyq, byltyr Ózbekstanda 132 298 qylmys tirkelgen, bul 2023 jylmen salystyrǵanda 27,1%-ǵa kóp.
Buǵan deıin habarlaǵanymyzdaı, taıaýda Ózbekstanda zańsyz baılyqqa kenelgenderge jaza engizý usynyldy.
Sondaı-aq, byltyr Ózbekstanda jol apatynan 2 myńnan astam adam qaza tapty. Sondaı-aq, Ózbekstanda jol erejesin jıi buzatyndar endi kólik basqarý quqyǵynan aıyrylady.