Ózbekstanda endi sheteldegi qarýly qaqtyǵystardy jarnamalaǵandar jaýapqa tartylady

TAShKENT. KAZINFORM — Ózbekstan Zań shyǵarý palatasynyń depýtattary Ákimshilik jaýapkershilik kodeksine túzetý engizý bastamasyna qoldaý bildirdi, dep habarlaıdy Kazinform agenttiginiń menshikti tilshisi.

Ózgeriske saı, endi shet memleketterdiń aýmaǵyndaǵy qarýly qaqtyǵystarǵa nemese áskerı is-qımyldarǵa qatysýdy nasıhattaıtyn materıal taratqan azamattar ákimshilik jaýapqa tartylady. Atap aıtqanda, ınternet arqyly shıelenisterge qosylýdy úgittegenderge aıyppul salynady nemese qamaýǵa alynady.

Depýtattar atap ótkendeı, bul norma qylmystyń aldyn alyp, quqyq buzýshylyqtyń jańa túrlerine tosqaýyl qoıýǵa baǵyttalǵan.

— Engiziletin túzetýler yqımal qaterledi, onyń ishinde jastarǵa teris áser etetin faktorlardy joıýǵa arnalǵan, — dep málim etti parlamenttiń tómengi palatasynan.

Eske salaıyq, Ózbekstanda áleýmettik jelidegi beıádep sóz úshin ákimshilik jaza engiziledi.

Buǵan deıin habarlaǵanymyzdaı, byltyr Ózbekstanda býkmekerlik keńselerdiń qyzmetin nasıhattaǵan 70-ge jýyq saıt buǵattaldy.