Ózbekstanda elektromobıldi qýattaý shyǵynynyń bir bóligin endi memleket óteýi múmkin
TAShKENT. KAZINFORM – Ózbekstanda elektromobıldi qýattaý shyǵyndarynyń bir bóligin memlekettik bıýdjet esebinen óteý josparlanyp otyr, dep habarlaıdy Kazinform agenttiginiń Tashkenttegi menshikti tilshisi.
Mınıstrler kabıneti tıisti qaýlynyń jobasyn qoǵamdyq talqylaýǵa shyǵardy. Qujat «Ózbekstan - 2030» strategııasyn iske asyrý jáne prezıdent jarlyqtaryn oryndaý sheńberinde ázirlengen.
Usynylyp otyrǵan qujatqa sáıkes, bıyl jeke tulǵalar úshin shyǵyndardy ishinara óteý júıesi iske qosylýy yqtımal. Eger qýattaý stantsııasyndaǵy 1 kV/saǵat elektr energııasynyń quny 300 sýmnan (12 teńge) assa, memleket aıyrmashylyqty qaıtarady.
Ótemaqy ár aıdyń 25-ine deıin «Soliq» mobıldi qosymshasy arqyly elektromobıl ıeleriniń bank kartalaryna aýdarylady. Bul tólemderge salyq salynbaıdy jáne ol júrgizýshilerdiń qosymsha tabysy retinde sanalmaıdy.
Eske salaıyq, buǵan deıin Ózbekstanda keshikken poıyzdardyń jolaýshylaryna ótemaqy tólenýi múmkin ekenin habarlap edik.
Qosa ketsek, Ózbekstan BYD elektromobılderin Qazaqstan men Aýǵanstanǵa eksporttaýǵa nıetti.
