Ózbekstanda elektromobıl ımporty 4 esege ósti

TAShKENT. QazAqparat – Ózbekstan osy jyldyń bes aıynda 3816 jeńil elektromobıl ımporttady, dep habarlaıdy QazAqparat menshikti tilshisi.

Ózbekstan Memlekettik statıstıka komıtetiniń málimetinshe, 2023 jyldyń qańtar-mamyrynda Ózbekstan jalpy somasy 120 mln AQSh dollaryna 3816 elektromobıl ımporttaǵan. Ótken jyldyń osy kezeńimen salystyrǵanda, elektrmen júrmen kólik ımporty 2846-ǵa ósken, nemese 4 esege.

Vedomstvodan aıtqandaı, elektromobılderdiń negizgi jetkizýshisi Qytaı. Onyń ımporttaǵyı úlesi – 3480 elektrokar. Ekinshi orynda Gonkong – 256 kólik. Sondaı-aq, Germanııa – 42, BAÁ – 16, Ońtústik Koreıa – 11 jáne AQSh – 6 elektrokar.

Buǵan deıin habarlanǵandaı, Ózbekstan basshysy Shavkat Mırzıeev aldaǵy eki jylda tanymal elektromobıl úlgileri óndirisin jolǵa qoıyp, avtoturaqtarda, janarmaı quıý beketterinde jáne trassalarda 2 myń zarıadtaý stantsııasyn ornatý arqyly servıstik ınfraqurylymdy keńeıtýdi tapsyrdy.