Ózbekstanda elektromobılder ımporty 3 esege ósken

TAShKENT. ÓzA-QazAqparat - Ózbekstanǵa ımporttalatyn elektromobılder sany shamamen 3 ese ósti. Bul týraly QazAqparat ÓzA silteme jasap habarlaıdy.

Ózbekstannyń memlekettik statıstıka komıtetiniń málimetinshe, Ózbekstan 2022 jyldyń qańtar-qarasha aılarynda shetelden jalpy quny 61,3 mln AQSh dollaryn quraıtyn 1912 elektromobıl ımporttaǵan.

2021 jyldyń sáıkes kezeńimen salystyrǵanda elektromobılder ımporty 1 223-ke ósken.

Ózbekstanǵa ákelingen elektromobılder negizinen myna elderden ımporttalǵan.

• Qytaı – 1675 dana
• BAÁ – 111
• Germanııa – 56
• Gonkong - 42
• Lıtva - 10
• Koreıa - 7
• Basqa elder – 11 dana

Foto: uza.uz