Ózbekstanda elektr júıesine zańsyz qosylǵan maınıng ferma $138 myń shyǵyn keltirdi
TAShKENT. KAZINFORM — Ózbekstannyń Samarqan oblysynda elektr júıesine zańsyz qosylyp, memleketke shyǵyn keltirgen maınıg fermasy anyqtaldy, dep habarlaıdy Kazinform agenttiginiń menshikti tilshisi.

Bas prokýratýranyń málimetinshe, oblys turǵyny jıhaz tsehyn maınıng ferma retinde qoldanyp, elektr júıesine zańsyz qosylǵan. Onyń saldarynan 1,8 mlrd sým (shamamen $138,5 myń) shyǵyn keldi.
Atalǵan fakti negizinde ÓR Qylmystyq kodeksiniń «Urlyq» baby boıynsha qylmystyq is qozǵaldy. Qazirgi ýaqytta tergeý júrip jatyr.
Eske sala keteıik, byltyr gaz ben elektr energııasyn zańsyz paıdalanǵan ózbekstandyqtar memleketke $108 mln shyǵyn keltirdi.
Sondaı-aq, taıaýda Qazaqstan men Ózbekstan shekarasynda jasyryn qubyr tartyp, sol arqyly janarmaı tasymaldaýmen aınalysqandar ustaldy.
Buǵan deıin habarlaǵanymyzdaı, Ózbekstanda $38,9 mlrd memlekettik organdardyń baqylaýynan tys qalyp otyr.