Ózbekstanda ekstremıstik toptarǵa qosylǵan 40-tan asa azamat ustaldy
TAShKENT. KAZINFORM – Tashkent qalalyq ishki ister bas baqarmasymen (ІІBB) ózge de ýákiletti organdar birlesip, shahar aýmaǵynda dinı ekstremızm men terrorızmniń aldyn alýǵa baǵyttalǵan reıd júrgizip jatyr, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Quzyrly organnyń málimetinshe, 7 sáýirde Ózbekstan astanasynda ekstremıstik radıkaldy toptarǵa qosylǵan 45 azamattyń úıine tintý júrgizilip, kúdiktiler qamaýǵa alyndy.
«Qurmetti azamattar, áleýmettik jeli arqyly óz ıdeıalaryńyzdy nasıhattaýdan jáne túrli radıkaldy toptarǵa qosylýdan aýlaq bolyńyzdar! Árqashan balańyzdyń qandaı chattarǵa qosylatynyn, qandaı vıdeo men materıaldardy kóretinin baqylaýda ustańyz», - dep eskertti Tashkent qalalyq ishki ister bas basqarmasynan.
Quqyq qorǵaý organynyń aqparatyna saı, bıyl 3 aıda dinı ekstremızm men terrorızm faktileri boıynsha 50 qylmystyq is qozǵaldy.
Sondaı-aq, osy aralyqta 188 ákimshilik hattama toltyrylyp, 264 adamǵa qatysty zańdy shara qoldanylǵan.
