Ózbekstanda ekpe salý naýqany bastalǵaly vaktsınanyń 2,5 mln astam dozasy qoldanyldy
TAShKENT. QazAqparat – Ózbekstanda ekpe salý naýqany bastalǵaly COVID-19 vırýsyna qarsy vaktsınanyń 2,5 mln astam dozasy qoldanyldy, dep habarlaıdy QazAqparat Ózbekstan Respýblıkasy Densaýlyq saqtaý mınıstrligine silteme jasap.
Vedomstvonyń málimetinshe, búginde elde vaktsınanyń 2 529 608 dozasy qoldanylǵan. Bul rette alǵashqy dozany 1 551 822 alsa, ekinshi jáne úshinshi dozanyn (qytaı-ózbek ZF-UZ-VAC2001 vaktsınasy úsh dozamen engiziledi) tıisinshe 945 654 jáne 32 132 ózbekstandyq qabyldaǵan.
El aımaqtary arasynda vaktsınalaý jaǵynan burynǵydaı Ferǵana oblysy kósh bastap tur, onda 303 344 adamǵa ekpe jasaldy. Odan keıin reıtıngte Namanǵan oblysy (296 296 adam), Ándıjan oblysy
(295 752) jáne Samarqan oblysy (1234 985 adam) tur. Úzdikter «bestigin» respýblıka astanasy jaýyp otyr, munda 205 885 adam vaktsına saldyrtty.
