Ózbekstanda Ekinshi dúnıejúzilik soǵys týraly fılm túsiriledi
«Berlın - Aqqorǵan» atty kınonyń stsenarııi búgin kórkemdik keńeste talqylanatyn bolady.
«Bul úlken eki serııalyq kınojobada tek soǵys jyldary emes, qazirgi kúnimiz de beınelenedi. Fılmde 1930 jyldar, 1939 jáne 1942 jyldardaǵy oqıǵalar qamtylady», - dedi Mýsakov.
Bul kınoǵa tek ózbekstandyq akterler emes, sondaı-aq sheteldik ártister de túsedi. Mysaly, rejısserdiń sózinshe, Gıtlerdiń rólin germanııalyq akter Konstantın Rotov somdaıdy.
Sondaı-aq, ol bul jumystyń osy jyldyń sońynda jaryq kóretinin tilge tıek etti.
«Bul taqyryp meni qatty tolǵandyrady, sebebi qazirgi jastar Ekinshi dúnıejúzilik soǵystyń tarıhy týraly múldem bilmeıdi. Bul soǵysta 475 myń jerlesimiz qaza taýyp, bir jarym mıllıony múgedek bolyp qaıtyp keldi. Amerıkalyqtarda ózbekterge qaraǵanda adam shyǵyny az boldy. Bul neni bildiretinin bilesiz be?», - dedi rejısser.
Onyń aıtýynsha, bul kıno Ekinshi dúnıejúzilik soǵystaǵy Ózbekstannyń qosqan úlesine arnalady.
