Ózbekstanda demalyssyz jolǵa shyqqan avtobýs júrgizýshilerine aıyppul salynady

TAShKENT. KAZINFORM – Ózbekstan Senaty eńbek jáne demalys kestesin saqtamaı, halyqaralyq nemese qalaaralyq reıs oryndaıtyn avtobýs júrgizýshilerine jaza qoldanatyn zańdy maquldady, dep habarlaıdy Kazinform agenttiginiń menshikti tilshisi.

Senatorlar atap ótkendeı, byltyr júrgizýshilerdiń eńbek jáne demalys rejımin saqtamaý saldarynan 130 ereje buzý faktisi tirkelip, 4 mlrd sým (173,9 mln teńge) shyǵyn keldi. Sondaı-aq, bir jyl ishinde bolǵan avtobýs jáne temirjol apattary 11 adamnyń ómirin qıdy.

Tıisinshe, depýtattar zańnamaǵa ózgeris engizý qajet ekenin alǵa tartty. Maquldanǵan qujatqa saı, endi 400 shaqyrym qashyqtyqqa jolaýshy nemese júk tasymaıtyn jáne jumys aýysymy 9 saǵattan asqan júrgizýshilerdi Kóliktik baqylaý ınspektsııasy qadaǵalaıdy.

Eger tekseris barysynda ereje buzý faktileri anyqtalsa, onda júrgizýshi 7 bazalyq eseptik shama (125 myń teńge) kóleminde aıyppul arqalaıdy.

Buǵan deıin habarlaǵanymyzdaı, 10 ret ereje buzǵan ózbekstandyqtar endi kólik basqarý quqyǵynan aıyrylýy múmkin.

Eske salaıyq, buǵan deıin Ózbekstanda avtobýs jolaǵyna túsken kólik júrgizýshilerine aıyppul salynýy múmkin ekenin jazyp edik.

Byltyr mas kúıinde kólik basqarǵan 31,3 myń ózbekstandyq ákimshilik jaýapqa tartyldy.

Sondaı-aq, 2024 jyly Ózbekstanda jol apatynan 2 myńnan astam adam qaza tapty.