Ózbekstanda daıyn toqyma jáne turmystyq tehnıkanyń eksporty 5 esege ósti
Ózbekstan Prezıdenti Shavkat Mırzııaevtiń tóraǵalyǵynda ınvestıtsııalar men eksport salasyndaǵy atqarylyp jatqan jumystar men jyl sońyna deıin atqarylýy tıis dáıekti mindetter týraly beınekonferentsııaly jıyn ótti.
Jıynda, 2017 jyldan bastap barlyq derekkózge sáıkes 716 trıllıon sým (83 mıllıard dollar) nemese aldyńǵy kezeńmen salystyrǵanda 2 eseden astam qarajat ıgerilgen. Onyń 26,8 mıllıardy shetelden kelgen ınvestıtsııa.
Tikeleı tartylǵan ınvestıtsııa kólemi - 10,6 mıllıard dollar, memleket kepildik bergen jobalar úshin - 8,4 mıllıard dollar, kepilsiz nesıeler - 6,6 mıllıard dollar, bankter men kásiporyndardyń halyqaralyq oblıgatsııalary - 1,2 mıllıard dollar qarjyny quraǵan. Igerilgen ınvestıtsııalardyń 65% -y óndiristik jáne ınfraqurylymdyq jobalar úlesine týra keledi.
Sonyń nátıjesinde, sońǵy 4 jylda eldiń JІÓ-degi ónerkásiptiń úlesi 25% -dan 33% -ǵa deıin ósti, al ónerkásiptik óndiris 1,3 esege ósti. Atap aıtqanda, avtomobıl ónerkásibinde óndiris 3,4 esege, elektrotehnıka - 2 esege, farmatsevtıka men qurylys materıaldary - 1,4 esege, metallýrgııa - 1,2 esege ósken.
Daıyn toqyma jáne turmystyq tehnıkanyń eksporty 5 esege ósti.
Osy kezeń aıasynda quny 441 trıllıon sýmdy quraıtyn 47 myńnan astam iri, orta jáne shaǵyn jobalar iske qosylyp, 680 myńnan astam turaqty jumys oryndary quryldy.
Sonymen qatar, sońǵy 4 jylda jergilikti ónerkásipke, aýyl sharýashylyǵyna jáne qyzmettik jumystardaǵy jobalardy júzege asyrý úshin 100 trıllıon sým (10 mıllıard dollar) ınvestıtsııa baǵyttalǵan.
