Ózbekstanda dárigerler naýqastyń asqazanynan 200 gramm shege alyp shyqty
TAShKENT. KAZINFORM — Samarqand qalasynda dárigerler naýqastyń asqazanynan 200 gramm shege men burandany alyp tastady. Bul týraly Respýblıkalyq jedel medıtsınalyq kómek ǵylymı ortalyǵynyń óńirlik fılıaly habarlady.
29 jastaǵy A.E. aýrýhanaǵa ishtiń qatty aýyrsynýymen jetkizilgen. Jedel járdem bóliminde júrgizilgen dıagnostıka men zerthanalyq zertteýlerge sáıkes, naýqastyń asqazan-ishek jolynda kóp mólsherde bógde zattar, shege men burandalar bolǵan.
Naýqasqa shuǵyl laparotomııa jáne gastrostomııa otasy jasaldy, ish qýysynan shamamen 200 gramm shege men buranda alyndy. Ota bir saǵatqa sozyldy.
Er adam qatty kúızelis kezinde óz áreketterin basqara almaı, metall zattardy jutyp qoıǵan. Qazirgi ýaqytta naýqastyń jaǵdaıy qanaǵattanarlyq jáne ol erkin qozǵalady.
Eske sala keteıik, almatylyq dárigerler magnıt jutyp qoıǵan eki balany aman alyp qaldy.