Ózbekstanda COVID-19 indetin juqtyrǵandar sany 60 adam boldy
TAShKENT. QazAqparat – Ózbekstanda COVID-19 indetin juqtyrǵandar sany 60-qa jetti, dep habarlaıdy QazAqparat tilshisi.
Ózbekstan Densaýlyq saqtaý mınıstrliginiń málimeti boıynsha, koronavırýs Túrkııadan kelgen Namanǵan turǵynynan anyqtaldy. Qazirgi kezde ol oqshaýlanyp, Namanǵan oblystyq ınfektsııalyq aýrýhanasyna jatqyzyldy.
Sonymen birge, Namanǵan ákimshiligi baspasóz qyzmetiniń málimetinshe, 26 naýryz kúni saǵat 00:01-den bastap aýdandardan Namanǵan qalasyna, sondaı-aq Namanǵannan aýdandarǵa jáne Ózbekstannyń basqa da aımaqtaryna kóliktiń kez kelgen túriniń qozǵalysyna shekteý qoıyldy.
