Ózbekstanda bıýdjeti 20 mln dollarlyq tarıhı serıal túsiriledi
TAShKENT. ÓzA-QazAqparat –Halyqaralyq dárejedegi fılmder prodıýseri, «Star Media» kınokompanııasynyń basshysy Vladıslav Rıashın men frantsýzdyq kınoprodıýser Jan Charlz Levı aldaǵy jyldan bastap Ózbekstanda «Sýltana» atty tarıhı telehıkaıany túsirýdi bastamaq, dep habarlaıdy QazAqparat ÓzA agenttigine silteme jasap.
Kınony eldiń Samarqand, Buhara jáne Hıýa qalalarynda túsirý josparlanǵan.
«Ózbekfılm» jáne Týrızmdi damytý ortalyǵynyń habarlanýynsha «Sýltana» fılmniń birinshi maýsymyn túsirý úshin 20 mıllıon dollar bólinedi. Al, tarıhı dramalyq serıaldyń basty qaharmandaryn somdaıtyn Gollıvýd juldyzdarynyń kim ekendigi jaıyndaǵy málimet ashyp aıtylmaı otyr.