Ózbekstanda búldirshinge kúsh qoldanǵan tárbıeshiler endi 1 jylǵa balabaqsha jumysynan shettetiledi
TAShKENT. KAZINFORM – Ózbekstanda balalarǵa qatysty kúsh qoldanǵany úshin ákimshilik jaýapqa tartylǵan tárbıeshiler balabaqsha jumysynan bir jylǵa shettetiledi, dep habarlaıdy Kazinform agenttiginiń menshikti tilshisi.
Kórshiles el Senatynyń 17-shi plenarlyq otyrysynda «Balalardy áleýmettik qorǵaý júıesin jetildirýge baǵyttalǵan Ózbekstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» zań qaraldy.
Qujatqa sáıkes, Ákimshilik jaýapkershilik týraly kodekske bilim berý uıymdarynda kámeletke tolmaǵandarǵa kúsh qoldanǵan jáne balalardyń ar-namysn qorlaǵandarǵa qatysty jaza engiziledi.
Tıisinshe, búldirshinderdi uryp-soqqan jáne olarǵa moraldyq qysym kórsetken tárbıeshilerdiń bir jyl boıy balabaqshalarda jumys isteýine tyıym salynady.
Talqylaý qorytyndysy boıynsha Senat atalǵan zańdy maquldady.
Eske salaıyq, Ózbekstanda áleýmettik jelidegi beıádep sóz úshin ákimshilik jaza engiziledi.
Munymen birge Ózbekstanda týystar arasyndaǵy neke úshin jaza qatańdatylady.
