Ózbekstanda budan bylaı ákesiniń esimin famılııa retinde qoldanýǵa bolady
ASTANA. KAZINFORM — Ózbekstandaǵy Otbasy kodeksine túzetýler engizildi. Oǵan sáıkes, budan bylaı bala ákesiniń esimin famılııa retinde qoldana alady.
Sonymen qatar, túzetýler ulttyq dástúrge sáıkes ákesi nemese anasy jaǵynan atasynyń esimin paıdalanýǵa múmkindik beredi.
Ózbekstan Senaty bul azamattar úshin qosymsha yńǵaılylyq týdyratynyn jáne olardyń qalaýyn ulttyq jáne dinı dástúrge sáıkes eskerýge múmkindik beretinin atap ótti.
Buǵan deıin Qyrǵyzstanda famılııa jazýdyń jańa nusqasyn engizý usynylǵan bolatyn.
