Ózbekstanda bir jylda 900 myńnan astam sábı dúnıege kelgen
Ózbekstanda 2023 jyly 900 myńnan astam bala dúnıege kelgen, dep habarlaıdy Kazinform agenttiginiń tilshisi.
Ózbekstan Ádilet mınıstrligi baspasóz qyzmetiniń málimetinshe, 2023 jyly respýblıkada 968 140 jańa týǵan náreste tirkelgen, onyń 466 563-i qyz, 501 177-si ul.
Bul 2022 jylmen salystyrǵanda 28 360 balaǵa az.
Eń joǵary týý kórsetkishi Samarqand oblysynda tirkeldi. Onda ótken jyly 114 446 bala dúnıege kelgen.
Ekinshi orynda — 107 602 balamen Ferǵana oblysy.
Bala týý kórsetkishi boıynsha alǵashqy bestikke Qashqadarııa (102 364 jańa týǵan náreste), Ándijan (89 680) jáne Sýrhandarııa (88 603) oblystary kirdi.
Buǵan deıin habarlaǵanymyzdaı, jańa 2024 jyldyń birinshi kúninde Ózbekstanda 1859 sábı dúnıege kelgen.
Ózbekstan Respýblıkasynyń boljaý jáne makroekonomıkalyq zertteýler ınstıtýtynyń boljamy boıynsha, týýdyń joǵary kórsetkishterin eskere otyryp, Ózbekstan halqynyń sany 2030 jylǵa qaraı 41 mıllıon adamnan asýy múmkin.
