Ózbekstanda boıaý materıaldary tıelgen júk kólik jaryldy, 6 adam aýrýhanada
ASTANA.QazAqparat - Ózbekstanda lak-boıaý materıaldary tıelgen júk kóligi aýdarylyp, 6 adam zardap shekti, 1 adam qaza tapty, dep habarlaıdy QazAqparat Ózbekstan Respýblıkasynyń Tótenshe jaǵdaılar mınıstrligine silteme jasap.
«Búgin saǵat 11:10 kezinde «Tashkent – Osh» halyqaralyq tas jolynyń Qamshyq asýyna túsetin 259-shaqyrymynda júk kóligi men 3 jeńil kóliktiń qatysýymen jol apaty boldy. Saldarynan lak-boıaý ónimderi tıelgen júk kóligi janyp, jaryldy.
Tótenshe jaǵdaılar mınıstrliginiń órt sóndirý jáne qutqarý jasaǵy oqıǵa ornyna dereý jetip, 25 mınýtta jalyndy sóndirdi. Oqıǵa saldarynan zardap shekken 6 adam jaqyn mańdaǵy medıtsınalyq mekemege jetkizildi. Órt tolyǵymen sóndirilgennen keıin júk kóliginde júrgizýshi qaza tapqany belgili boldy», - delingen mınıstrlik habarlamasynda.
