Ózbekstanda bir táýlikte koronavırýs juqtyrýdyń jańa rekordtyq kórsetkishi tirkeldi
TAShKENT. ÓzA-QazAqparat - 7 maýsymda Ózbekstanda koronavırýs juqtyrýǵa qatysty rekordtyq kórsetkish tirkelip, bir táýlikte indet juqtyrǵan 237 azamat anyqtaldy, dep habarlaıdy QazAqparat ÓzA agenttigine silteme jasap.
Densaýlyq saqtaý mınıstrliginiń keshki qorytyndy jańalyǵyna sáıkes, Ózbekstanda 237 kisi koronavırýs juqtyrǵany belgili bolyp, jalpy indet rastalǵandar sany 4 331-ge jetken.
«Jańadan vırýs juqtyrǵandardyń barlyǵy karantındegi baqylaý ortalyǵynda anyqtalǵan. Olardyń 70 paıyzǵa jýyǵy Tashkent qalasyndaǵy karantındegi azamattar», delingen habarlamada.
Sonymen qatar búgin 86 kisi aýrýdan saýyǵyp shyqty. Olardyń jalpy sany 3 354-ke jetti. Al búginge deıin elde 17 naýqas qaza bolǵan. Qazirgi ýaqytta respýblıka aýmaǵyndaǵy aýrýhanalarda 960 naýqas emdelip jatyr.
