Ózbekstanda bir kúnde 700-ge jýyq adamnan koronavırýs anyqtaldy
TAShKENT. QazAqparat - 29 shildede Ózbekstanda 692 adamǵa koronavırýs ınfektsııası dıagnozy qoıyldy, dep habarlaıdy QazAqparat Ózbekstannyń koronavırýs jónindegi respýblıkalyq arnaıy komıssııasyna silteme jasap.
«Antı-rekord jańartyldy - búgin Ózbekstanda 692 (!) adamǵa koronavırýs dıagnozy qoıyldy, 365 naýqas hal ústinde jatyr, 172-siniń jaǵdaıy aýyr», - delingen habarlamada.
Bir kúnde 5 naýqas, sonyń ishinde bir júkti áıel qaıtys bolǵan.
Sondaı-aq, keshe elde 672 naýqas emdelip shyǵyp, emdelgenderdiń jalpy sany 12 937 adamǵa jetti.
Ózbekstandaǵy koronavırýstyq ınfektsııasyn juqtyrǵandardyń jalpy sany 22 585 qurap otyr.
