Ózbekstanda bir kúnde 50 myń adamǵa vaktsına salyndy
TAShKENT. ÓzA – QazAqparat – 19 mamyr kúni Ózbekstanda jalpy 50 179 azamatqa COVID-19-ǵa qarsy vaktsına egildi. Onyń 13 703 birinshi doza, 36 776 ekinshi dozamen vaktsınatsııalanǵan. Bu týraly QazAqparat ÓzA agenttigine silteme jasap habarlaıdy.
Ózbekstannyń Densaýlyq saqtaý mınıstrligi baspasóz qyzmetiniń habarlaýynsha, búgingi tańda Ózbekstanda koronavırýsqa qarsy jalpy 1 462 491 doza vaktsına qoldanylǵan. Onyń 332 793 dozasy ekinshi kezeńde jumsalǵan.
1 sáýirden bastalǵan vaktsına naýqany aıasynda statıstıka boıynsha eldegi aımaǵyndaǵy halqynyń sany boıynsha Ferǵana alqabyndaǵy úsh oblys kósh bastap keledi.
Ferǵana oblysynda 196 255 doza,
Andıjan oblysynda 183 619 doza,
Namangan oblysynda 162824 doza.
Eske sala keteıik, Ózbekstanda 1sáýirde ekpe naýqany bastaldy. Turǵyndardy vaktsınalaýmen qamtý birtindep keńeıtilýde: sáýirde iri qalalarda júrgizilse, mamyr aıynda aýdan ortalyqtary men iri qalalarda, al maýsymda – aýyldyq jerlerde jalǵasady. Vaktsınalaý úsh preparat – eýropalyq AstraZeneca, qytaı-ózbek taraptary birlesip shyǵarǵan ZF-UZ-VAC2001 jáne Reseıdiń «Spýtnık-V» vaktsınasy arqyly jasalyp jatyr. Úsh aıdyń ishinde Ózbekstan 4 mıllıonnan astam adamǵa ekpe salýdy josparlap otyr.