Ózbekstanda byltyrǵy bıýdjet tapshylyǵy 5 mlrd dollardan asqan

TAShKENT. KAZINFORM – 2023 jyldyń qorytyndysy boıynsha Ózbekstanda shoǵyrlandyrylǵan bıýdjet tapshylyǵynyń kólemi rekordtyq 59 trln sýmǵa (ortasha kýrs baǵamymen $5,025 mlrd) jetti. Bul týraly Kazinform agenttiginiń Tashkenttegi menshikti tilshisi Álıhan Asqar habarlady.

Ózbekstan Ekonomıka jáne qarjy mınıstrliginiń málimetinshe, shoǵyrlandyrylǵan bıýdjettiń kirisi – 321 trln sým, shyǵystary 380 trln sým kóleminde boldy. Kiris pen shyǵystar arasyndaǵy aıyrmashylyq 59 trln sým nemese JІÓ-niń 5,5 paıyzyna teńeldi. 

Vedomstvonyń aqparatyna saı, byltyrǵy tapshylyq aldyńǵy jyldarmen salystyrǵanda áldeqaıda kóp. Máselen, 2019 jyly defıtsıt – 13,19 trln sým (JІÓ-niń 2,5%), 2020 jyly – 26,1 trln sým (4,5%), 2021 jyly – 40,8 trln sým (5,6%), 2022 jyly 35,2 trln sým (4%) bolǵan edi. 

Aıta keteıik, shoǵyrlandyrylǵan bıýdjetke – memlekettik, memlekettik nysanaly qorlardyń, bıýdjettik uıymdardyń qarjysynan tys qorlary men Qaıta qurý jáne damý qorynyń qarajaty kiredi.