Ózbekstanda benzınniń baǵasy bir deńgeıde belgilendi
ASTANA. QazAqparat - Ózbekstanda janarmaı stansalaryndaǵy baǵanyń turaqsyzdyǵy jáne deldaldar arqyly satylýyna qarsy shara retinde benzınniń baǵasy bir deńgeıde belgilendi, dep habarlaıdy gazeta.uz.
«Ózbekmunaıgaz» ulttyq holdıng kompanııasy senbi túnde jeksenbiden bastap Ózbekstan aýmaǵyndaǵy ortaq benzın baǵasyn jarııa etti. Ol burynǵysynan úshten bir esege ósken.
Kompanııa «benzınniń jetispeýine, oǵan kezektiń kóbeıýine, Aı-80 markaly benzınniń baǵasynyń 2 075-3 000 som aralaǵynda ózgerýine, Tashkentten janarmaıdy óńirlerge aparyp 5 000 sýmnan saýdalaýǵa qatysty azamattardyń bılikke shaǵymyn nazarǵa alǵanyn» málim etti.
«Osyǵan baılanysty 23 qazannan bastap Aı-80 markaly benzınniń bólshek saýdadaǵy lıtriniń baǵasy 2 800 sým, Aı-91, 92, 93 - 3 000 sým, Aı-95 - 3 300 sým bolyp belgilendi», - delingen habarlamada.
