Ózbekstanda benzın baǵasy 15 paıyzǵa artty
TAShKENT. 10 jeltoqsan. QazAqparat /Qurmat Samarhan/ - Ózbekstanda benzın baǵasy 15 paıyzǵa artyp ketti, dep habarlaıdy osy respýblıkanyń buqaralyq aqparat quraldary.
Úkimettiń 10 jeltoqsandaǵy qaýlysyna sáıkes Ózbekstandaǵy benzın baǵasy 15 paıyzǵa artty. Juma kúngi saǵat 00.00-den bastap janar-jaǵarmaı beketterindegi Aı-80 benzıni 1405 somǵa nemese burynǵy 1220 som baǵadan 185 somǵa qymbat satyla bastady (resmı kýrs boıynsha 1 AQSh dollary ózbektiń 1635,44 somyna teń)
Aı-91 markaly benzınniń baǵasy burynǵy 1350 somǵa emes,1555 somǵa satylady, ıaǵnı 205 somǵa qymbattaǵan, al Aı-95 benzıni 225 somǵa qymbattap, 1500 somnan 1725 somǵa satylatyn boldy.
Basylymdardyń jazyp ótkenindeı, benzın tutyný salyǵy 1 qańtardan bastap 25 somǵa artqany eskerilmesten, jyl basynan beri osymen ekinshi ret qymbattap otyr. 1 shildeden bastap janarmaı baǵasy taǵy da 15 paıyzǵa artqan bolatyn.
