Ózbekstanda beker janyp turǵan kóshe shamdaryna qarsy reıd bastaldy

«Ózenergoınspektsııa» tutynýshylardyń elektr energııasyn tıimdi jáne utymdy paıdalanýyn qamtamasyz etý maqsatynda respýblıkanyń barlyq óńirinde reıd ótkizip jatyr, dep habarlaıdy Kazinform Ózbekstan Energetıka mınıstrliginiń baspasóz qyzmetine silteme jasap. 

«Bul sharalar tutynýshylarǵa osy resýrstardy únemdi paıdalanýǵa, sondaı-aq jelilerdiń shamadan tys júgine jol bermeýge jáne búkil tutynýshylardy turaqty energııa resýrsymen qamtamasyz etýge kómektesedi» deıdi mınıstrlikten.

Aýa temperatýrasynyń tómendeýinen elektr energııasyn paıdalaný qajettigi arta túsedi.

«Osyndaı kezderde elektr qýatyn barynsha únemdi paıdalanýdy, al qajet emes jaǵdaılarda elektr qurylǵylaryn jeliden ajyratýdy suraımyz», — delingen habarlamada.