Ózbekstanda basshylardyń jumysy sýdy únemdeýine qatysty baǵalanady
ASTANA. KAZINFORM – Ózbekstanda jyl saıyn naýryz aıynda sýdy únemdeý mádenıetin nasıhattaý boıynsha is-sharalardy qamtıtyn «Sýdy únemdeý aıy» atalyp ótedi, dep habarlaıdy Kazinform.
Sý resýrstaryn paıdalaný tıimdiligin arttyrý týraly Jarlyqqa sáıkes, 2027 jyldyń 1 qańtarynan bastap respýblıkalyq atqarýshy organdar basshylary men olardyń orynbasarlarynyń jumysy basqalarymen qatar aýyz sýdy únemdeý jáne sýmen jabdyqtaý kompanııalaryna qashyqtan derekterdi beretin zamanaýı eseptegishterdi ornatý sııaqty krıterııler boıynsha baǵalanatyn bolady.
Respýblıkalyq atqarýshy organdar men bıznes qaýymdastyqtar qashyqtan derekterdi berý múmkindigi bar zamanaýı sý eseptegishterin ornatpaǵan jaǵdaıda olar Bas prokýratýranyń baqylaýyna beriledi.
Sondaı-aq, 2027 jyldyń 1 sáýirinen bastap respýblıka boıynsha bıýdjettik uıymdar úshin aýyz sýmen jabdyqtaý jáne sý burý qyzmetterine biryńǵaı tarıfter engiziledi.
Budan bólek, aýyz sýdy óndirý jáne tartý protsesterin bólek esepteý uıymdastyrylady.
Parlament Májilisiniń jalpy otyrysynda «Qazaqstan Úkimeti men Ózbekstan Úkimeti arasyndaǵy transshekaralyq sý obektilerin birlesip basqarý jáne utymdy paıdalaný týraly kelisimdi ratıfıkatsııalaý týraly» Zań maquldandy.
