Ózbekstanda barlyq mektep úshinshi toqsannan bastap tolyq dástúrli oqýǵa aýysady
TAShKENT. QazAqparat – Ózbekstandaǵy barlyq mektep úshinshi toqsannan bastap tolyq dástúrli oqýǵa aýysady, dep habarlaıdy QazAqparat, Ózbekstannyń Halyq bilimi mınıstrligine silteme jasap.
2020-2021 oqý jylynyń alǵashqy eki toqsanynda koronavırýs indetine baılanysty mekteptegi bilim berý ata-analardyń tańdaýy boıynsha gıbrıd oqý nusqasynda ótkizildi.
Eldegi epıdemıologııalyq jaǵdaıdyń turaqtanýyna baılanysty, 11 qańtardan bastap bilim berýdiń dástúrli formatyna jańǵyrtý jóninde sheshim qabyldanǵan.
Mınıstrliktiń málimetinshe, qashyqtan oqý kezinde taqyryptar tolyq qamtylmaǵan, óıtkeni keıbir oqýshylar telesabaqtardy qaramaǵan.
«Biz ata-analardan balalarynyń tolyqqandy bilim alýy úshin barlyq jaǵdaıdy jasaýyn jáne olardy mektepke jiberýin suraımyz», delingen habarlamada .
Vedomstvo Qaraqalpaqstan Mınıstrler keńesi, Tashkent qalasy men oblystardyń ákimshilikterine barlyq mektepterdegi jylý júıesiniń turaqty jumysyn qamtamasyz etý, sondaı-aq oqýshylardyń densaýlyǵyn saqtaý jóninidegi sharalardy uıymdastyrý tapsyrylǵanyn eske saldy.
