Ózbekstanda bankter óz klıentterine kredıttik demalys berýi múmkin
TAShKENT. QazAqparat – Ózbekstan bankterine klıentterge 2020 jyldyń 1 qazanyna deıin jeńildik kezeńin usynýǵa keńes berildi, dep habarlaıdy «QazAqparat» HAA menshikti tilshisi Ózbekstan Respýblıkasy Ortalyq bankiniń baspasóz qyzmetine silteme jasap.
Vedomstvoda atap ótkendeı, ortalyq bank koronavırýs ınfektsııasynyń taralý jaǵdaıynda berilgen nesıelerdi qaıtarý kezinde kásipkerlik sýbektilerine keri áser etetin saldarlardy jeńildetý maqsatynda 2020 jyldyń 1 qazanyna deıin nesıe boıynsha negizgi qaryzdy tóleý boıynsha jeńildik kezeńin berý týraly kredıttik shart talaptaryna ózgerister engizý jáne jeńildik kezeńine qaraı tólem merzimin uzartý máselelerin qaıta qaraýdy usyndy.
Bul rette, kommertsııalyq bankterge talaptary joǵaryda baıandalǵan usynymdar negizinde qaıta qaralǵan kredıtter sapasynyń jiktelýin ózgertpeý quqyǵy berilgen.
Sonymen qatar, Ózbekstannyń ortalyq banki barlyq kommertsııalyq bankterge koronavırýs ınfektsııasynyń taralýy saldarynan aqsha aǵyny deńgeıi tómendegen jáne jobalardy iske asyrý merzimi keshiktirilgen kásiporyndardyń, onyń ishinde týrızm salasyndaǵy jáne halyqaralyq júk tasymalymen aınalysatyn kásiporyndardyń, koronavırýs keń taralǵan elderde negizgi kontragentteri bar sharýashylyq sýbektilerdiń, sondaı-aq qyzmetine koronavırýstyń aldyn alý sharalary teris yqpal etetin Ózbekstandaǵy kásiporyndardyń nesıelerin qaıtarý múmkindigin muqııat zertteýdi usyndy.
Mıras Qýandyqov
