Ózbekstanda balasyna zańsyz dinı tárbıe bergen ata-analarǵa aıyppul salynady
TAShKENT. KAZINFORM – Ózbekstanda balasyna zańsyz dinı bilim beretin ata-analar endi ákimshilik jaýapqa tartylady, dep habarlaıdy Kazinform agenttiginiń menshikti tilshisi.

Atalǵan ózgeris Ózbekstannyń Ákimshilik jaýapkershilik týraly kodeksine engizildi.
Oǵan saı, balasyna din negizderin durys túsindirmegen jáne zańsyz dinı tárbıe bergen ata-analarǵa 5-ten 10 eseptik shamaǵa deıin (70-144 myń teńge aralyǵy) aıyppul salynady. Eger osyndaı áreketter qaıtalanatyn bolsa, onda kináliler 10-15 bazalyq eseptik shama (144-218 myń teńge) kóleminde aıyppul tóleýi tıis.
Eske salaıyq, Ózbekstan mektepterine oqýshylardy energetıkalyq saýattylyq negizderine úıretetin baǵdarlama engiziledi.
Sondaı-aq, kórshiles eldiń Senaty alańdy shańdatyp, qurylys júrgizetinderge aıyppul salatyn zań jobasyn maquldady.