Ózbekstanda balalar arasynda KVI juqtyrý oqıǵasy kóbeıýde
TAShKENT. QazAqparat - Ózbekstanda balalar arasynda KVI juqtyrý oqıǵasy kóbeıýde. Bul týraly «Ózbekstan 24» telearnasyna bergen kommentarııinde Tashkent oblysynyń Birinshi Zeńgiata mamandandyrylǵan kópbeıindi aýrýhanasynyń jan saqtaý bóliminiń meńgerýshisi Petr Komırenko aıtty, dep habarlaıdy QazAqparat tilshisi.
«Bizde 160 oryndyq eki balalar bólimi ashylǵan. Qazir bizde 125 bala em alýda. Pnevmonııamen aýyryp jatqandar da, jaǵdaıy nashar balalar da bar. Eger juqtyrý qarqyny aldyńǵy jyldaǵydaı bolsa, aýrýhanada taǵy myń oryn daıyndalǵan, bul – bólek eki blok. Olar apparatýradan bastap kerek medıtsınalyq qyzmetkerlerge deıin tolyq jasaqtalǵan», - dedi maman.
Komırenkonyń aıtýynsha, vırýstyń jas adamdarǵa da juǵýy artyp keledi.
Eske sala keteıik, ózbek dárigerleriniń habarlaýynsha, respýblıkada 20-45 jas aralyǵyndaǵy naýqastar sany eki ese artqan. Budan bólek, Tashkentte stýdentter, mektep oqýshylary men mektepke deıingi mekemeler tárbıelenýshileriniń arasynda juqtyrý oqıǵalarynyń kóbeıýine baılanysty mamyr aıynyń basynda 200 oqý orny karantınge jabylǵan.
