Ózbekstanda balabaqshaǵa ótinishti onlaında qabyldaıdy
ASTANA. QazAqparat - Barsha Ózbekstanǵa «Memlekettik mektepke deıingi bilim berý mekemesine balalardy qabyldaý boıynsha ótinish qabyldaý» ınteraktıvtik qyzmet qoljetimdi bolýda, dep habarlady Ózbek telegraf agenttigi.
Budan buryn ol tek Ózbekstan astanasynyń turǵyndaryna ǵana qoljetimdi bolǵan. Onlaın qyzmet Ózbekstan ınteraktıvtik memlekettik qyzmettiń Biryńǵaı portalynda my.gov.uz saıtynda qoljetimdi.
Memlekettik qyzmet kórsetýdiń ınteraktıvti biryńǵaı portalynyń habarlaýynsha, qyzmet alýshylar portalda tirkelgen jeke tulǵalar bolyp tabylady.
«Qyzmet alý úshin elektrondyq ótinish nysanyn toltyrý, oǵan elektrondyq tsıfrlyq qoltańba qoıyp, qyzmettiń aldyńǵy betindegi «Qujattar» bóliminen tanysýǵa bolatyn qosymsha qujattardyń elektrondyq nusqasyn jiberse, jetkilikti», - delingen habarlamada.
Joldama alý úshin berilgen qujattar onkúndik merzimde qabyldaý komıssııasynda qaralady jáne qabyldanǵan sheshim týraly ótinish berýshi úshkúndik merzimde habardar etiledi.
Qyzmet aqysyz negizde kórsetiledi.
