Ózbekstanda bala týý kórsetkishi boıynsha rekord tirkeldi

TAShKENT. QazAqparat - Ózbekstanda jyl basynan beri bala týý kórsetkishiniń rekordtyq ósimi tirkeldi, dep habarlaıdy QazAqparat tilshisi.

«2022 jyldyń 1 sáýirindegi jaǵdaı boıynsha respýblıkamyzda 203,7 myń bala dúnıege keldi. Ótken jyldyń sáıkes kezeńimen salystyrǵanda ósim 13,4% qurady», - dep habarlaıdy Ózbekstannyń Memlekettik statıstıka komıteti.

Vedomstvonyń málimetinshe, óz kezeginde 905 211 sábı dúnıege kelgen 2021 jyl el tarıhyndaǵy rekordtyq jyl boldy. Táýelsizdik alǵan 30 jyl ishinde Ózbekstanda bala týý kórsetkishi tórtten bir esege ósti.

«Ózbekstanda 2021 jyly týǵandar sany 1991 jylmen salystyrǵanda 25,1%-ǵa ósti», - dep atap ótti Memlekettik statıstıka komıtetinen.

Esterińizge sala keteıik, 1 sáýirdegi jaǵdaı boıynsha Ózbekstan turǵyndarynyń sany 35,4 mıllıon adamǵa jetken. Jyl basynan beri halyq sanynyń ósý qarqyny 0,5 paıyzǵa artty. Sonymen qatar, halyq sany kún saıyn orta eseppen 1,8 myń adamǵa artyp keledi.