Ózbekstanda bala tárbıesine selqos qaraǵan 45 myńǵa jýyq ata-ana jaýapqa tartyldy
TAShKENT. KAZINFORM — 1 jylda ózbekstandyq ınspektorlar balasynyń mektepke barýyn qadaǵalamaǵan ata-analarǵa 175 myńǵa jýyq eskertý hattamasyn toltyrǵan, dep habarlaıdy Kazinform agenttiginiń menshikti tilshisi.
Ózbekstan Senatynyń plenarlyq otyrysynda kámeletke tolmaǵandar arasyndaǵy quqyq buzýshylyqtardyń aldyn alýǵa baǵyttalǵan zań jobasy talqylanyp jatyr.
Onyń barysynda Ulttyq gvardııa ınspektorlary bir jyl ishinde balany tárbıeleý men oqytý mindetin oryndamaǵan ata-analarǵa 44 450 ákimshilik hattama toltyrylǵanyn málim etti.
Aıta keteıik, Ózbekstan zańnamasyna saı, bala tárbıesine nemquraıly qaraǵan ata-analarǵa 1-5 bazalyq eseptik shama (15-75 myń teńge aralyǵy) kóleminde aıyppul salynady.
Eske salaıyq, Ózbekstanda kitap oqyǵany úshin sottalǵandardyń jaza merzimi qysqarýy múmkin.
Munymen birge, kórshiles elde jabaıy janýar asyraıtyndarǵa qatysty jaza engizildi.