Ózbekstanda ІІB qyzmetkeri pyshaq jaraqatynan qaza tapty

TAShKENT. KAZINFORM -  Ózbekstanda bas bostandyǵyn shekteý jazasyn ótep jatqan azamat ІІB qyzmetkerin pyshaqtap óltirdi, dep habarlaıdy Kaznform agenttigi Uznews.uz saıtyna silteme jasap. 

Osy jyldyń 26 tamyzynda saǵat 20:45 shamasynda Ferǵana oblysy Danǵara aýdany ІІB profılaktıkalyq aǵa ınspektory N.M. óz ókileti sheginde ÓR QK-niń 276-babynyń 1-bóligimen sottalǵan. Saǵat 18.00-den 06.00-ge deıin turǵylyqty jerinen shyqpaýǵa tyıym salýmen bas bostandyǵyn shekteý jazasyn ótep jatqan azamat H.E.-nyń páterine baryp teksergen.

Alaıda ınspektor azamat H.E-nyń óz páterinde bolmaǵanyn, jazasyn óteý tártibin buzǵanyn anyqtaǵan. Osy ýaqytta azamat H.E. mas kúıinde úıine kelip, aıǵaılap, tóbeles shyǵarady, páterde turǵan ashana pyshaǵyn alyp, kútpegen jerden N.M.-nyń keýde tusyna pyshaq suǵady. Oǵan aýyr jaraqat salyp, oqıǵa ornynan boı tasalap, jasyrynǵan.

Profılaktıkalyq ınspektor N.M. kórsetilgen medıtsınalyq kómekke qaramastan aýrýhanada qaıtys boldy.

Qabyldanǵan jedel sharalardyń nátıjesinde H.E. tutqynǵa alyndy. Onyń ústinen ÓR QK 97-babynyń 2-bóligimen qylmystyq is qozǵalyp, bas bostandyǵynan aıyrý túrindegi bultartpaý sharasy qoldanyldy.