Ózbekstanda Aıtmatovtyń «Shynarym meniń, shyraılym meniń» shyǵarmasynyń jelisimen fılm túsiriledi
ASTANA. QazAqparat - Ózbekstannyń ulttyq kıno agenttigi Qyrǵyzstannyń «Dan» prodıýserlik ortalyǵymen áıgili jazýshy Shyńǵys Aıtmatovtyń «Shynarym meniń, shyraılym meniń» atty shyǵarmasynyń jelisimen kórkem fılm túsirý týraly kelisim jasasty.
Bul jaıly Kabar agenttigi habarlaıdy.
Joba uly qyrǵyz jazýshysy Shyńǵys Aıtmatovtyń 90 jyldyǵyn Ózbekstanda keńinen toılaý aıasynda júzege asyrylmaq.
Shyńǵys Aıtmatovtyń shyǵarmalary dúnıeniń kóptegen halyqtary qatarynda ózbekstandyqtar arasynda da keńinen tanymal. Ózbekstanda túsiriletin jańa fılmniń aty «Sarvqomat dılbarım» dep atalady.
ÓzA agenttiginiń habarlaýynsha, bıyl Ózbekstanda Shyńǵys Aıtmatovtyń 90 jyldyǵyn toılap jatyr.
