Ózbekstanda áıelderge úlken avtobýstardy júrgizýge ruqsat berilýi múmkin

Bul jańalyq Ózbekstan Respýblıkasy Mınıstrler Kabınetiniń avtomobıl jáne qalalyq elektr kólikteri júrgizýshilerin daıarlaý jáne qaıta daıarlaý týraly sheshimi jobasynda qaraldy, dep habarlaıdy Kazinform Ózbekstannyń UzA agenttigine silteme jasap.

Jobaǵa sáıkes, avtokólik salasyna qatysty kásipterdegi áıelderge teń jaǵdaı jasaý maqsatynda 14 orynnan asatyn avtobýstardy júrgizýge salynǵan qazirgi tyıym óz kúshin joıýy múmkin.

Qoldanystaǵy erejege sáıkes, «VS» jáne «D» sanattary boıynsha áıelderdi oqytýdy uıymdastyrý kezinde júk kólikteriniń júk kóterimdiligi 2,5 tonnadan, al jolaýshylardy tasymaldaýǵa ruqsat etilgen avtobýstardaǵy oryndyq sany 14-ten aspaýy tıis. ıAǵnı, bul normalar boıynsha áıelder 14 jolaýshydan aspaıtyn avtobýsty ǵana júrgize alady.