Ózbekstanda áıel eskalatordan túsip bara jatyp sábıin qulatyp aldy
ASTANA. QazAqparat - Áıel uzyn kóıleginiń etegine súrinip, salmaq tepe-teńdigin joǵaltyp, qolyna kótergen balasyn túsirip alyp, sábıinen aıyryldy.
Qaıǵyly oqıǵa Ózbekstannyń Ándijan qalasyndaǵy saýda oıyn-saýyq ortalyǵynda oryn aldy. 12 metrlik bıiktikten kafel tóselgen edenge qulaǵan bala qaza tapty. Bul týraly «Novostı Ýzbekıstana» portaly jazdy.
Oqıǵa beınelengen vıdeo alǵashqyda «Feısbýkte», keıinnen ózbekstandyq BAQ-tarda jarııalandy. Rolıktiń uzaqtyǵy bar-joǵy tórt mınýt, alaıda bul taspadan eskalatormen tómen túsip bara jatqan áıeldi kórýge bolady. Bir qolyna sábıin kótergen áıel ekinshi qolymen úlken balasyn jetektep barady.
Kóıleginiń uzyn etegi qozǵalyp jatqan tetiktiń baspaldaǵyna qystyrylyp qalǵan nemese ózi súrinip ketýi múmkin.
Basylym atap ótkendeı, saýda ortalyǵynyń ákimshiligi qaıǵyly jaǵdaıdy túsindirýden bas tartqan.
