Ózbekstanda áıel 3 kishkentaı balany «órtep jiberemin» dep qorqytty

Áleýmettik jelide Ózbekstanda áıeldiń 3 kishkentaı búldirshinge qatygezdik kórsetip, órtep jiberemin dep tikeleı qorqytqan vıdeosy tarap ketti. Ózbekstan Balalar ombýdsmeniniń baspasóz qyzmeti bul jaǵdaıǵa túsinikteme berdi, dep habarlaıdy Kazinform. 

«Bul jaǵdaı Horezm oblysynyń Úrgenish aýdanynda boldy. Qazirgi ýaqytta jaǵdaıdy tolyq anyqtaý úshin Іshki ister organdary jedel tergeý jumystaryn bastady. Bul oqıǵany Balalar ombýdsmeni erekshe baqylaýǵa aldy», - delingen habarlamada.

Balalarǵa qatysty mundaı qylmystyq áreketterdi olardyń ata-analary nemese basqa jaqyn týystary jasaǵanyna qaramastan, kináli tulǵalardyń zańǵa sáıkes jaýapqa tartylýy qamtamasyz etiledi.