Ózbekstanda avtokóliktegi gaz ballony jarylyp, 4 adam qaza tapty

TAShKENT. KAZINFORM – Ózbekstannyń Jyzaq oblysynda Nexia-2 avtokóligine ornatylǵan gaz ballony jarylyp, saldarynan kólik ishindegi 4 adam oqıǵa ornynda kóz jumdy. Bul týraly oblystyq jol qozǵalysy qaýipsizdigi basqarmasy habarlady.

Saldarynan jeńil kóliktiń júrgizýshisi (1961 jyly týǵan), sondaı-aq salondaǵy taǵy úsh adam: 1968 jyly týǵan azamat (júrgizýshiniń jubaıy), 1993 jáne 2015 jylǵy azamattar oqıǵa ornynda kóz jumdy.

Habarlamaǵa sáıkes, kólik Tashkent-Termız baǵyty boıynsha kele jatyp, janarmaı quıý beketine toqtaǵan. Sodan keıin saǵat 13:00 shamasynda kólikti basqaryp kele jatqanda jolda gaz ballony jarylǵan.