Ózbekstanda avtokólik eksporty qysqaryp, ımport ósti

TAShKENT. ÓzA – QazAqparat - 2022 jyl basynan beri Ózbekstanda avtokólik eksporty qysqaryp, ımport ósti. Bul týraly QazAqparat ózbekstandyq ÓzA silteme jasap habarlaıdy.

Ózbekstannyń memlekettik statıstıka komıtetiniń málimetinshe, 2022 jyldyń qańtar-naýryz aılarynda 68 905 avtokólik shyǵarylǵan.

2022 jyldyń qańtar-naýryz aılarynda Ózbekstan Ázerbaıjan, Tájikstan, Koreıa jáne Lıvanǵa 58 avtokólik eksporttady. Óz kezeginde bul kórsetkish 2021 jyldyń sáıkes kezeńimen salystyrǵanda 8 763-ke az.

2022 jyldyń qańtar-naýryz aılarynda Ózbekstanǵa álemniń 21 elinen quny 189,3 mıllıon dollar bolatyn 8508 avtokólik ákelingen jáne jeńil avtokólikterdiń ımporty 2021 jyldyń sáıkes kezeńimen salystyrǵanda 5 361-ge nemese 2,7 esege ósti.

Sondaı-aq Ózbekstanǵa úsh aıda 455 elektromobıl ákelindi. Ótken jylmen salystyrǵanda elektromobıl ımporty 370 birlikke nemese 5,4 esege óskeni aıtyldy.